Lokahóf og shoot-out hjá barna og unglingastarfi GL
Lokahóf hjá barna og unglingastarfi Leynis fór fram sunnudaginn 1. október. Var byrjað á Shoot-out keppni í anda Einvígsins á Nesinu þar sem æfingahóparnir kepptu innbyrðis og síðan var loka einvígi þar sem sigurvegarar hvers æfingahóps öttu keppni í 4 manna úrslitum. Frábær þáttaka var í mótinu en 26 krakkar tóku þátt. Fyrirkomulagið er þannig að menn detta út ef þeir eru á lakasta skorinu á hverri holu, þannig að það reynir á þegar maður dettur út!
Í úrslitum voru: Kristín Vala, Marínó Ísak, Björn Viktor og Kári Kristvins og fór það svo að Björn Viktor sigraði eftir mikla baráttu þar sem fráært golf var leikið af allra hálfu. Til að mynda voru allir að reyna við fugl á fyrstu holu! Myndaðist skemmtileg stemming þar sem stór hópur af krökkum og foreldrum rölti með og bjó til enn meiri spennu í mótið. Sannarlega skemmtilegt mót sem vonandi er komið til að vera.
Að Shoot-out mótinu loknu tók við lokahóf í golfskála þar sem Steini vert var búinn að töfra fram dýrindis smárétti. Guðmundur framvæmdastjóri veitti verðlaun fyrir FootJoy-titleist mótaröðina sem fram fór í sumar. Það er mótaröð sem Íslensk Ameríska hefur styrkt dyggilega og leikin hefur verið frá upphafi sumars og fram á haust. Kann Barna og unglinganefnd GL ÍSAM bestu þakkir fyrir frábæran stuðing við barna og unglingastarf klúbbins.
Síðan voru veitt verðlaun til allra þeirra sem tóku þátt í GSÍ mótum sumarsins en það voru 31 keppendur frá GL í unginga mótum á vegum GSÍ í sumar. Sannarlega eftirtektarverður hópur sem hefur verið duglegur að æfa og keppa í sumar. Einnig voru veitt verðlaun fyrir mestu forgjafalækkun barna og unglinga í sumar en hjá strákum var Björn Viktor með 41% lækkun forgjafar og hjá stelpum var Kristín Vala með 39% lækkun.
Einnig voru veitt verðlaun fyrir árangur á Íslandsbankamótaröðinni og Áskorendamótaröð Íslandsbanka en þar hlutu þau Björn Viktor og Guðrún Nolan verðlaun fyrir árangur á Íslandsbankamótaröðinni sem og Kristín Vala og Gabríel Þór verðlaun fyrir góðan árangur á Áskorendamótaröð Íslandsbanka.
Að lokum voru Brellumeistarar GL krýndir en í ár voru það systkinin Kári og Klara Kristvinsbörn sem hlutu þau verðlaun fyrir frábær brellumyndbönd. Brellumeistarinn var skemmtileg keppni sem sett var á laggirnar í sumar en þar voru krakkarnir hvött til að mynda hópa um að taka upp brelluhögg og senda á Birgi Leif Íþróttastjóra sem skipaði dómnefndina. Virkilega skemmtileg nýjung sem þjappaði hópnum saman og jók á samheldni og viðveru á golfvelli sem og með kylfu í hönd heima við!
Barna og unglinganefnd og þjálfarar þakka fyrir viðburðaríkt og skemmtilegt sumar.
Partý – “Kveðjum skálann okkar”
Stjórn Leynis í samráði við veitingamanninn okkar hann Steina hafa ákveðið að halda eitt gott partý fyrir félagsmenn og maka þeirra í kjölfar Bændaglímu.
Næstkomandi laugardag þann 7. október kl. 19:30 munum við koma saman í skálanum okkar til þess að kveðja hann í ljósi framkvæmda á komandi mánuðum. Nýtum tækifærið til að koma saman og hafa gaman.
Fyrir hófstillt verð verða hamborgarar í boði og barinn opinn. Tónlist á fóninum og góður félagsskapur.
Við hvetjum alla til þess að mæta á svæðið, borða góðan mat og eiga skemmtilega kvöld stund saman.
Skráning á netfanginu 19holanakranesi@gmail.com og einnig í síma 863-5793.
Stjórn Leynis.
Bændaglíman 2017 – skráning á golf.is
Bændaglíman verður haldinn n.k. laugardag 7. október á Garðavelli. Bændaglíman er eitt skemmtilegasta mót klúbbsins þar sem bændur berjast og í þetta skiptið munu þeir bræður Einar og Magnús Brandssynir etja kappi. Ræst verður út kl. 9:00 og er skráning hafinn á golf.is.
Að móti loknu verður að vanda boðið upp á al-íslenska kjötsúpu og drykk. Fyrir þá örfáu sem ekki borða kjötsúpu verður einnig boðið upp á súpu dagsins á 19.holunni.
Mótanefnd GL vill hvetja alla félagsmenn bæði konur og karla til að fjölmenna og taka þátt í einu allra skemmtilegasta móti klúbbsins þar sem spilað er með holukeppnisfyrirkomulagi.
Mótanefndin áskilur sér rétt til að fresta mótinu vegna þátttökuleysis eða ef veður er óhagstætt fyrir golfleik.
Málþing um áhrif knattspyrnunnar á Akranesi 27.október
Íþróttabandalagið og Knattspyrnufélgagið ÍA standa fyrir málþingi um áhrif knattspyrnunnar á Akranesi. Gullöldin á Akranesi, áhrif á knattspyrnunnar á bæjarlífið
Uppskeruhátíð KFÍA 2017
Laugardagskvöldið 30. september fór fram uppskeruhátíð meistaraflokkanna og 2. flokks karla og kvenna ásamt þjálfurum, stjórnarfólki og öðrum gestum. Dagskráin
Lokahóf yngri flokka 2017
Lokahóf yngri flokkanna, 3. -7. flokks, fór fram í Akraneshöllinni laugardaginn 30. september, fyrir lokaleik sumarsins í Pepsideild karla. Baldur
Jafntefli í Vesturlandsslag á laugardag
Vikingur Ó kom í heimsókn á laugardaginn og var þetta baráttuleikur. Vallaraðstæður voru vægast sagt blautar, völlurinn þungur og blautur.
Vatnsmótið – úrslit
Vatnsmótið fór fram á Garðavelli laugardaginn 30. september við góðar vallaraðstæður og ekki síður var veðrið kylfingum hagstætt en rjómablíða var meðan á mótinu stóð. Tæplega 40 kylfingar tóku þátt og eftirfarandi eru helstu úrslit:
Punktakeppni með forgjöf
1.sæti Jón Ármann Einarsson, 37 punktar (betri á seinni níu)
2.sæti Viktor Elvar Viktorsson, 37 punktar
3.sæti Þórður Elíasson, 36 punktar
Höggleikur án forgjafar (besta skor)
1.sæti Kristvin Bjarnason, 74 högg
Nándarmælingar á par 3 holum
3.hola Bára Valdís Ármannsdóttir 3.76m
18.hola O.Pétur Ottesen, 3.24m
Golfklúbburinn Leynir óskar vinningshöfum til hamingju og þakkar keppendum fyrir þátttökuna. Vinningshafar geta sótt vinninga á skrifstofu GL.
Takmörkuð opnun golfskála og skrifstofu GL í okt. 2017
Golfskálinn á Garðavelli hefur lokað samkvæmt auglýstri sumar opnun. Golfskálinn mun verða takmarkað opin í október allt eftir umferð kylfinga og veðurfari.
Skrifstofa og afgreiðsla GL verður lokuð frá og með 2. október til og með 23. október vegna sumarleyfis framkvæmdastjóra GL.
Garðavöllur verður opin eitthvað áfram fram eftir hausti og þar ræður veðurfar mestu um. Kylfingar eru beðnir að taka tillit til aðstæðna nú þegar hausta tekur og völlurinn viðkvæmur. Frekari tilkynning um lokun inn á sumarflatir verður send til félagsmanna og kylfinga þegar það á við.
Gestir Garðavallar aðrir en félagsmenn eru vinsamlega beðnir að greiða 2000 kr. vallargjald inn á reikning GL, 0186-26-601 / 580169-6869 ef golfskálinn er lokaður við komuna á völlinn.
Hallgrímur Rögnvaldsson stigameistari GL 2017
Stigameistari GL 2017 er Hallgrímur Rögnvaldsson en þetta er annað árið sem keppt er um þennan titil. Hallgrímur fékk flest stig úr miðvikudagsmótum og meistaramóti Leynis. Golfklúbburinn Leynir óskari Hallgrími til hamingju með árangurinn.
Á meðfylgjandi mynd má sjá Hallgrím þegar hann tók við farandbikar og verðlaunum sem Stigameistari GL 2017.