Author: admin

Opna GrasTec haustmótaröðin: mót nr.2 af 4 – skráning á golf.is

Opin Haustmótaröð hófst s.l. laugardag 14. október á Garðavelli og nú reynum við að nýju með móti nr. 2 laugardaginn 21. október 2017.
Um er að ræða haustmót með sama fyrirkomulagi og undanfarin ár nema hvað nú verður mótaröðin opin fyrir alla áhugasama kylfinga og spilaðar 12 holur nú þegar Garðavöllur er með hverri vikunni að taka á sig meira og meira haust yfirbragð. Ath. sandgryfjur/glompur eru ekki í leik og skal ekki leika upp úr þeim en Garðavöllur lítur vel út miðað við árstíma.

Opna Haustmót GrasTec nr. 1 af 4 – úrslit

Fyrsta Opna Haustmót GrasTec fór fram á Garðavelli 14. október. Alls tóku 27 keppendur þátt í mótinu en leikinn var 12 holu punktakeppni.
Úrslit urðu þessi:
1.Kristvin Bjarnason GL á 26 punktum – Gisting fyrir tvo með morgunverði á hótel Northen Light Inn www.nli.is
2.Brynjar Sæmundsson GL á 25 punktum – Gjafbréf á veitingar staðnum Galito www.galito.is
3.Einar Hannesson GL á 25 punktum – Gjafabréf í versluninni Golfskálinn www.golfskalinn.is og öl frá 19. Holan
Næst holu á 14. braut: Magnús Brandsson GL, 726 cm.
Næst holu á 18. braut: Matthías Þorsteinsson GL, 105 cm.
Verðlaun fyrir næst holu gáfu Íslandsbanki og 19. Holan
Næsta mót fer fram laugardaginn 21. október. Hvetjum félagsmenn GL til að taka þátt í mótinu og bjóðum kylfinga úr öðrum golfklúbbum velkomna.
Munið útdráttarverðlaun allra keppenda úr öllum mótum í lok mótaraðarinnar, GJAFABRÉF MEÐ GB FERÐUM AÐ ANDVIRÐI 50.000 KR.

Landsliðsæfingar hjá U19 kvenna

Helgina 3. -5. nóvember næstkomandi fara fram landsliðsæfingar hjá U19 ára landsliði kvenna. Frá ÍA hefur Bergdís Fanney Einarsdóttir verið

Haustfundur uppeldissviðs 2017

Í gærkvöldi, 12. október, var haldinn haustfundur Uppeldissviðs KFÍA í sal Grundaskóla. Um það bil 150 manns sóttu fyrirlesturinn, að

Landsliðsæfingar framundan

Helgina 20.-22. október fara fram landsliðsæfingar bæði hjá U16 ára og U15 ára landsliðum karla. Við erum stolt af því

Lið Magnúsar vann Bændaglímuna 2017

Bændaglíman fór fram s.l. laugardag 7. október og var þar formlegu mótahaldi sumarsins lokað.
Í ár tóku þátt 32 félagsmenn GL og voru bræðurnir Einar og Magnús Brandssynir bændur. Lið þeirra áttust við í hörkukeppni en leikar fóru þó þannig að lið Magnúsar vann.
Í mótslok gerðu kylfingar upp úrslitin og snæddu kjöt- og sveppasúpu og renndu niður með léttum drykkjum á 19.holunni.
Bændaglíman er ávallt síðasta mót sumarsins og vill mótanefnd GL þakka félagsmönnum kærlega fyrir sumarið og óskar þess að sjá sem flesta næsta sumar á golfvellinum.
Frekari tilkynningar um haustmót verða sendar um leið og þær liggja fyrir en undirbúningur er í gangi og taka þessi mót mið af veðri og vallaraðstæðum hverju sinni.

Opna GrasTec haustmótaröðin hefst laugardaginn 14.okt.

Opna GrasTec haustmótaröðin hefst n.k. laugardag 14. október á Garðavelli. Um er að ræða haustmót með sama fyrirkomulagi og undanfarin ár nema hvað nú verður mótaröðin opin fyrir alla áhugasama kylfinga og spilaðar 12 holur nú þegar Garðavöllur er með hverri vikunni að taka á sig meira og meira haust yfirbragð.
Keppnisfyrirkomulag
– Leikin verða fjögur golfmót á laugardögum frá og með 14. október til 4. nóvember á Garðavelli.
– Leiknar eru 12 holur í opnu golfmóti (9 holur til vara ef aðstæður gefa tilefni til).
– Áskilinn er réttur til að fær mót til sunnudags eða fella mót niður ef ástæður gefa tilefni til– slíkt yrði tilkynnt með minnst 3 klst fyrirvara á síðu GL á www.golf.is
– Karlar leik af gulum teigum og konur og karlar 65 ára og eldri af rauðum teigum.
– Hámarksforgjöf karla er 24 og 30 hjá konum.
– Leikið er í einum opnum flokki.
– Ræst er út af öllum teigum samtímis klukkan 10:00
– Skráning í mótin er á www.golf.is
– Keppnisgjald er 2.000 kr. í hvert mót.
Verðlaun og keppnisgjald
– Veitt verða verðlaun fyrir þrjú efstu sætin með forgjöf í hverju móti.
1) andvirði ca 25.000 kr.
2) andviðri ca 15.000 kr.
3) andvirði ca 10.000 kr.
– Nándarverðlaun í hverju móti.
– Í lok mótaraðarinnar verður Gjafabréf hjá GB Ferðum að andvirði 50.000 kr. dregið út úr nöfnum allra keppenda úr öllum mótunum.
Annað
– Golfskálinn opnar klukkan 9:00 á keppnisdegi
– Gott að mæta stundvíslega fyrir mót.
– Frítt uppáhelt kaffi fyrir keppendur.
– Bakkelsi og heit súpa í golfskála.
– Mótanefnd GL áskilur sér rétt til að fresta móti vegna ónógrar þátttöku eða veðurs.
– Leikmenn verða að hafa virka forgjöf til að geta unnið til verðlauna.
– Leikið er samkvæmt móta- og keppendareglum GSÍ nema annað komi fram.