Valdís Þóra komst í gegnum niðurskurð á LET móti á Spáni
Valdís Þóra Jónsdóttir atvinnukylfingur úr Leyni komst í gegnum niðurskurðinn á Estrella Damm mótinu á LET Evrópumótaröðinni sem hófst á Spáni fimmtudaginn 20. apríl.
Valdís Þóra lék á 68 höggum eða -3 á fyrsta hringnum og í dag föstudag lék hún á 72 höggum eða +1 á öðrum hringnum. Valdís Þóra er því á -2 samtals þegar keppni er hálfnuð og í 22. sæti.
Golfklúbburinn Leynir sendir Valdísi Þóru bestu óskir um gott gengi.
Mynd/LET
Patryk Stefanski til ÍA
Patryk Stefanski til ÍA Pólski sóknarmaðurinn Patryk Stefanski er genginn til liðs við ÍA. Patryk kom á reynslu í æfingaferð
Gleðilegt sumar – vel heppnaður vinnudagur
Gleðilegt sumar félagsmenn og allir vinir Golfklúbbsins Leynis.
Það styttist í opnun Garðavallar og mikið verður þá gaman. Vinnudagurinn 20. apríl tókst vel í alla staði og veðrið lék við þá sem mættu þ.e. vindur, slydda, sól og bara allur pakkinn.
Félagsmenn tókust á við tiltekt á velli en skógarmenn GL höfðu verið ansi duglegir að grisja tré síðustu daga og okkar beið smá vinna að hirða upp eftir þá.
Félagsmenn fengu einnig það skemmtilega verkefni að þokuleggja ný-framkvæmdina við 4. flöt sem er á að taka á sig flotta mynd og verður frábært að spila inn á þessa flöt eftir breytingar.
19. holan og Steinþór Árnason yfir “vert” bauð að loknum skemmtilegum vinnudegi í súpu og brauð í golfskála þar sem dagurinn varð gerður upp. Fyrir þá sem ekki komust í dag 20. apríl ætlar Steinþór að bjóða frískum félagsmönnum aftur í súpu og brauð laugardaginn 22. apríl þegar við hittumst næst. Takk fyrir okkur Steinþór.
ÍA tapaði gegn Grindavík
ÍA spilaði sinn síðasta leik í Lengjubikarnum þegar þær mættu firnasterku liði Grindavíkur, sem skartaði sex útlendingum í byrjunarliðinu. Með
Vinnudagar 20. og 22. apríl 2017
Vorið er á næsta leyti og völlurinn okkar mun opna á næstu dögum eða við fyrsta tækifæri þegar aðstæður leyfa.
Að venju er ætlunin að hafa vinnudaga til að koma vellinum í það ástand sem nauðsynlegt er. Áætlað er að hafa tvo vinnudaga og sá fyrsti verður á morgun fimmtudag 20. apríl kl. 9-12 og sá síðari laugardaginn 22. apríl kl. 9-12. Mæting verður við vélaskemmu þar sem félagsmönnum verður úthlutað verkefni.
Verkefnið fimmtudaginn 20. apríl er að þökuleggja svæði við 4. flötina þar sem breytingar hafa átt sér stað í vetur. Ef mæting er góð þá verða næg önnur verkefni s.s. tiltekt á velli, koma út bekkjum, ruslafötum, brautarskiltum, teigmerkjum ofl. á sinn stað.
Verkefnið laugardaginn 22. apríl verður að halda áfram með útistandandi verkefni frá fimmtudeginum. Póstur verður sendur til félagsmanna á föstudeginum til að minna fólk á að mæta og hjálpa til við að koma vellinum okkar í flott ástand fyrir sumarið.
Áhugasamir félagsmenn sem komast til að aðstoða þessa boðaða vinnudaga eru vinsamlega beðnir að láta framkvæmdastjóra GL vita með svari á netfangið leynir@leynir.is eða í síma 896-2711.
Áttu eftir að greiða félagsgjaldið 2017 ?
Nú styttist með hverjum deginum í að völlurinn okkar opni og því mikilvægt að klára greiða félagsgjaldið 2017. Frá og með 1. maí n.k. verða þeir sem ekki hafa greitt félagsgjaldið gerðir óvirkir á golf.is sem þýðir að viðkomandi geta ekki tekið þátt í golfmótum né skráð sig á rástíma.
Þeim félagsmönnum sem vilja notfæra sér aðra greiðslumöguleika er bent á að hafa samband við framkvæmdastjóra GL í síma 431-2711 eða með tölvupósti á leynir@leynir.is
Athugið
Hægt er að greiða félagsgjaldið á heimasíðu IA, sjá www.ia.is (iðkendavefur IA – Skráning í Nóra -). Ath: í Nóra er valmöguleiki á greiðslum og geta iðkendur greitt með greiðsluseðli sendum í heimabanka.
Eins er hægt að greiða inn á reikning GL k.t. 580169-6869 og bankanr. 0186-26-601 (vinsamlegast látið fylgja með í skýringu kennitölu sé þessi leið notuð).
Magnús Oddsson látinn
Magnús Oddsson, fyrrum bæjarstjóri á Akranesi og formaður Íþróttabandalags Akranes, lést íþriðjudaginn 11. apríl. Magnús fæddist 17. nóvember 1935 og
Valdís Þóra hefur leik í Marokkó á Skírdag á LET Evrópumótaröðinni
Valdís Þóra Jónsdóttir atvinnukylfingur úr Leyni hefur leik á morgun, fimmtudaginn 13. apríl, á LET Evrópumótaröðinni. Mótaröðin er sú sterkasta í Evrópu og fer LALLA Meryem mótið fram á Golf Dar Es Salam vellinum í Marokkó.
Mótið á LET er haldið samhliða móti á Evrópumótaröðinni í karlaflokki. Valdís Þóra lék fyrr á þessu ári í Ástralíu á sínu fyrsta LET móti á ferlinum en mótið í Marokkó er annað mót hennar á þessu tímabili á LET. Valdís Þóra endaði í 51. sæti á Oates Victorian mótinu í Ástralíu þar sem hún lék á -1 samtals (71-73-74).
Félagsmenn og aðrir áhugasamir eru hvattir til að fylgjast með Valdísi Þóru en Golfstöðin mun sýna frá þessu móti.
Nánar um mótið í Marokkó:
http://ladieseuropeantour.com/?tournament=lalla-meryem-cup-3
Birgir Leifur leiðir samstarf Leynis og GKG
„Ég hlakka til að taka þátt í þessu spennandi verkefni. Hugmyndin varð til eftir samtöl milli mín, Leynis og GKG. Markmiðið er að búa til enn betra íþróttastarf hjá Leyni og nýta þá reynslu sem ég hef fengið frá frábæru starfi sem unnið er í GKG. Það er nýtt að klúbbar taki upp slíkt samstarf og ættu báðir klúbbar að njóta góðs af því að koma saman að þessu verkefni,“ segir Birgir Leifur Hafþórsson sem mun stýra barna, – unglinga og afreksstarfi Golfklúbbsins Leynis sem íþróttastjóri klúbbsins samhliða því að leika sem atvinnukylfingur fyrir GKG.
Birgir Leifur, sem verður 41 árs á þessu ári, þekkir vel til á Akranesi þar sem hann ólst upp og hóf sinn golfferil. Birgir Leifur er sjöfaldur Íslandsmeistari í golfi og fagnaði sigri á Íslandsmótinu í fyrra á Jaðarsvelli. Keppinsferlinum er alls ekki lokið og mun Birgir Leifur leika sem atvinnumaður á næst sterkustu atvinnumótaröð Evópu undir merkjum GKG á þessu ári.
Hef alltaf haft áhuga á að stýra slíku verkefni hjá golfklúbb. Ég hef komið að uppbyggingarstarfinu hjá Golfklúbbi Kópavogs og Garðabæjar. Þar á bæ hafa menn sett ný viðmið fyrir aðra klúbba. Birgir segir að GKG sé með stærsta barna og unglinga starf Íslands og það verði gott að geta leitað í smiðju GKG við uppbygginguna á Akranesi.
„Það er enginn vafi að ég mun nýta mér þá þekkingu hjá Leyni enda er GKG í fremstu röð á þessu sviði. Hjá GKG hef ég lært mikið og forsvarsmenn klúbbsins og klúbbfélagar hafa stutt vel við bakið á mér frá árinu 2003 þegar ég gekk í raðir GKG. Tengin mín verður áfram sterk við GKG enda mun ég keppa áfram fyrir klúbbinn. Ég sé bara tækifæri í því að geta aukið samstarfið á milli þessara tveggja klúbba. Það getum við gert með ýmsum hætti í gegnum barna – og unglingastarfið.“
„Í viðræðum mínum við Leyni þá fann ég að þar ríkir metnaður til þess að gera enn betur. Klúbburinn hefur gríðarlega góða aðstöðu yfir sumartímann til æfinga og aðgengi fyrir yngri kylfinga að Garðavelli er mjög gott. Það eru því mikil tækifæri fyrir alla aðila að búa til skemmtilega umgjörð um uppbyggingarstarfið – sem og afreksstarfið.“
Birgir Leifur lauk námi í PGA golfkennaraskólanum á Ísland árið 2012 og er því með PGA kennara réttindi.
„Fyrsta árið verður áhugavert og spennandi þar sem við þurfum að finna lausnir á ýmsum verkefnum sem eru framundan. Ég mun stýra þessu samstarfsverkefni samhliða því að leika sem atvinnumaður fyrir Golfklúbb Kópavogs og Garðabæjar. Ég fæ góða aðila með mér sem taka að sér ákveðna hópa í barna – og unglingastarfinu hjá Leyni. Þrátt fyrir að ég verði töluvert erlendis við keppni á næst sterkustu atvinnumótaröð Evrópu þá mun ég vera með puttann á púlsinum í starfinu í gegnum þá tækni sem er í boði í dag. Ég ætla að koma með ferska hluti inn í starfið og hugsa út fyrir kassann,“ segir Birgir Leifur Hafþórsson.
Viðtal: Sigurður Elvar Þórólfsson
Fjöldi frábærra vinavalla sumarið 2017
Félagsmenn GL geta líkt og undanfarin sumur spilað marga glæsilega golfvelli sem eru um 15 talsins og hér neðar má sjá hvaða velli er um að ræða og á hvaða kjörum.
Völlur / klúbbur
Verð / afsláttur
Höfuðborgarsvæði
Golfklúbbur Mosfellsbæjar (GM)
2.500 kr.
Suðurland
Golfklúbburinn Hellu (GHR)
2.500 kr.
Vesturland
Golfklúbburinn Glanni (GGB)
2.000 kr.
Golfklúbbur Borgarnes (GB)
1.800 kr.
Gagnkvæmur samningur er við eftirfarandi golfklúbba um afslátt:
Völlur / klúbbur
Verð / afsláttur
Vesturland
Golfklúbbur Jökull (GJÓ)
50%
Golfklúbburinn Vestarr (GVG)
50%
Golfklúbburinn Mostri (GMS)
50%
Suðurland
Golfklúbbur Hveragerðis (GHG)
50%
Golfklúbbur Selfoss (GOS)
50%
Golfklúbbur Vestmannaeyja (GV)
50%
Reykjanes
Golfklúbbur Grindavíkur (GG)
50%
Golfklúbbur Suðurnesja (GS)
50%
Golfklúbbur Sandgerðis (GSG)
50%
Norðurland
Golfklúbbur Akureyrar (GA)
50%
Golfklúbburinn Hamar (GHD)
50%
Félagsmenn GL eru beðnir að tilkynna sig í golfskála í viðkomandi klúbb áður en leikur hefst og sýna félagsskírteini.