Karatefélag Akraness
Fjörkálfamót í Smáranum 13. apríl
Karatekrökkum frá Karatefélagi Akraness býðst að taka þátt Fjörkálfamóti í Kata sem karatefélög Þórshamars og Breiðabliks standa fyrir laugardaginn 13. apríl næstkomandi. Mótið er fyrir keppendur sem eru fæddir árið 2008 og yngri. Mótið er æfingamót. Á Faebook-síðu viðburðarins segir að mótið sé tilvalið tækifæri fyrir krakkana að kynnast kata-keppni í öruggu og uppbyggilegu umhverfi. Allir keppendur fá þátttökuverðlaun og keppa fleiri en eina viðureign. Mótið er kjörið tækifæri fyrir þátttakendur að æfa kata undir gráðun.
Mótið fer fram í Smáranum í Kópavogi. Að lokinni keppni verður haldin páskagleði með pítsum og páskaeggjum.
Mótsgjöld eru 1500 krónur á hvert barn og greiðast frá hverju félagi fyrir sig. Þau standa straum af kostnaði við verðlaun og veitingar.
Karatefélag Akraness mun standa straum af kostnaði við þátttöku á mótinu. Skilyrði fyrir þátttöku er því að skráningargjöld hafi verið greidd í félagið fyrir önnina á skráningarvef NORA. Einnig brýnum við fyrir foreldrum og forráðamönnum að skrá ekki börnin til þáttöku nema öruggt sé að þau taki þátt, þar sem greiða þarf fyrir börn sem hafa verið skráð. Skráningarfrestur er til 8. apríl.
Í þessu skjali skráir þú þinn iðkanda til leiks í skemmtilegu Fjörkálfamóti!
Áætluð dagskrá
Árgangar 2010 og yngri
12:30 mæting
13:00-15:00 mót
15:00-16:00 páskafjör
Árgangar 2008 og 2009
15:30 mæting
16:00-18:00 mót
18:00-19:00 páskafjör
Æfingar á Jaðarsbökkum frá 1. apríl
Æfingar karatefélagsins færast tímabundið yfir á Jaðarsbakka vegna framkvæmda við fimleikahúsið sem verið er að byggja við hlið íþróttahússins á Vesturgötu. Karateæfingar verða á sama tíma í parketsalnum á annarri hæð í íþróttahúsinu á Jaðarsbökkum.
Gengið er inn um innganginn við enda hússins, við stóra ÍA merkið. Þaðan er farið upp stigann til vinstri.
Skemmtilegt innanfélagsmót í KATA
Fjöldi iðkenda í Karatefélagi Akraness tóku þátt í innanfélagsmóti í KATA í dag. Keppt var í þremur flokkum og var iðkendum skipt upp eftir beltum. Allir fengu páskaglaðning að móti loknu, páskaegg númer tvö. Sigurvegarar í efstu þremur sætum í hverjum flokki fyrir sig fengu svo ögn stærri páskaegg og svo virðist sem krökkunum hafi líkað vel. Dómarar á mótinu voru krakkar í unglingaflokki Karatéfélagsins og stjórnandi mótsins var Villi, aðalþjálfari félagsins.
Eftir mótið bauð Karatefélagið upp á pizzuveislu í anddyri íþróttahússins við Vesturgötu. Stemningin var skemmtileg og létt og allir gengu glaðir heim að loknu móti.
Innanfélagsmót sem þetta er til þess ætlað að kenna krökkum og aðstandendum þeirra hvernig mót ganga fyrir sig. Ekki eru veitt eiginleg verðlaun á mótum sem þessum, heldur er fremur litið á þau sem skemmtun og æfingu fyrir krakkana. Þegar krakkarnir fara svo að keppa á stærri mótum hafa þau góða hugmynd um hvernig mótin ganga fyrir sig og við hverju má búast.
Innanfélagsmót í KATA í lok mars
Laugardaginn 30. mars næstkomandi verður innanfélagsmót í KATAhjá Karatefélagi Akraness. Mótið hefst klukkan 14:00 og áætlað er að því ljúki klukkan 16:00. Krakkar sem hyggjast keppa mæti í aðalsalinn í Íþróttahúsinu við Vesturgötu. Mótið er skemmtimót þar sem krakkarnir kynnast því hvernig er að keppa í KATA. Allir þátttakendur í mótinu fá verðlaunapening fyrir þátttöku og sigurvegararnir hljóta bikar. Eftir mótið verður pizzaveisla í anddyri íþróttahússins og einnig smá páskaglaðningur.
Foreldrum, forráðamönnum og velunnurum er velkomið að koma og horfa á og hvetja krakkana til dáða.
Nýtt október fréttabréf frá KAK
Í nýju fréttabréfi frá Karatefélagi Akraness er að finna upplýsingar um vetrarfrí, gráðun og fleira. Smellið á hlekkinn til að lesa bréfið
Haustönnin hjá KAK hefst 29. ágúst 2018
Æfingar hjá Karatefélagi Akraness hefjast miðvikudaginn 29. ágúst samkvæmt stundaskrá. Upplýsingar um æfingatíma er að finna á hér til hliðar á síðunni. Athugið að takmarkað magn er í hverja tíma og því mikilvægt að skrá sig sem fyrst. Nýjir iðkendur geta komið og prufað tvisvar sinnum áður en ákvörðun um framhald er tekið. Ath. að skrá þarf börnin eftir tvo prufutíma.
Við hlökkum til skemmtilegs karatehausts og vetrar með líflegum Karatekrökkum
