Karatefélag Akraness

 

2 weeks ago

Karatefélagið er komið á Instagram - https://instagram.com/karate_akranes?igshid=tvtfns4729cy
Hérna ætla þjálfarar að vera með skemmtilegar fréttir af félagsstarfinu🤩

2 weeks ago
Karatesamband Íslands

Barna- og unglingamót í kata 2020.

Í ljósi aðstæðna í samfélaginu hefur Mótanefnd KAÍ ákveðið að fresta barna- og unglingamótunum í kata sem ættu að fara fram dagana 24. og 25. ... See more

2 weeks ago
Myndir með færslu sem Karatefélag Akraness birti

Íslandsmót fullorðinna fór fram í dag og einnig unglingaflokkur 16-17 ára. Þjálfararnir okkar, þau Kristrún Bára Guðjónsdóttir og Ólafur Ían Brynjarsson kepptu á mótinu og stóðu ... See more

1 month ago

Minnum á að nú þarf að vera búið að skrá alla iðkendur sem ætla að taka þátt í starfinu á þessari önn inni á nóra á ia.is, þar er hægt að nota mótframlag ... See more

2 months ago

Þá er komið að því að hefja æfingar á ný eftir sumarfrí.
Æfingar hefjast hjá öllum flokkum miðvikudaginn 26.ágúst.

Skráning í Nóra á www.ia.is og öll samskipti verða í ... See more

2 months ago
Forsíða - Íþróttabandalag Akraness

ÆfingatöflurÞreksalirÍþróttahúsÖnnur aðstaða Æfingatöflur íþróttaaðstöðu Akraneskaupastaðar og ÍA Salur 2 (Gervigras)     Salur 3 (Græni)      Salur 5 (Parket)    ... See more

4 months ago

ef það eru einhver börn sem misstu af beltaprófinu síðast liðin þriðjudag þá er ennþá hægt að skrá í sjúkragráðun. skráning fer fram með tölvupóst til ... See more

5 months ago

aukaæfingar fyrir flokk 1 (appelsínugult+) byrja í dag kl. 16 í speglasalnum. Allar upplýsingar inn á Sportabler.

5 months ago
Æfingar að nýju og gráðun | Íþróttabandalag Akraness

Æfingar að nýju og gráðun 7 05 2020 | Karate Æfingar hófust aftur hjá Karatefélagi Akraness 6. maí. Þjálfarar vilja koma til skila miklu hrósi fyrir frábæra þátttöku í ... See more

5 months ago

minnum á zoom æfingar kl 16 fyrir barnahópa 17 fyrir unglingahópa og 18 fyrir meistaraflokk.
upplýsingar á sportabler

« 1 of 9 »

Tannburstasala og nýir búningar

Karatefélag Akraness ætlar að selja glæsilega umhverfisvæna bambus tannbursta í fjáröflun félagsins. Stakur tannbursti kostar 1000 krónur, tannburstahlustur kostar 1500 krónur og settið saman er á 2500.
Gert ráð fyrir að andvirði sölunnar fari í sjóð fyrir iðkendur sem nýttur verður í félagsstarf og ferðakostnað.

Gert er ráð fyrir að hver iðkandi selji minnst 5 tannbursta, en að sjálfsögðu er öllum frjálst að selja meira.

Tannburstarnir verða afhentir 20. nóvember milli klukkan 16:00-18:15 í Íþróttahúsinu við Vesturgötu. Foreldrar greiða fyrir tannburstana með því að millifæra á reikningsnúmer 0186-05-001956 kt. 690999-2429 merkt með nafni iðkanda. Æskilegt er að koma með útprentaða kvittun þegar tannburstarnir eru sóttir.

Á sama tíma, 20. nóvember milli klukkan 16:00-18:15 býðst iðkendum að koma og máta karategalla og kaupa.  Gallarnir verða á tilboði og því á hagstæðara verði en í Sportvörum.

Hópkataæfingar annann hvern sunnudag

Næstu vikur býður Karatefélagið upp á hópkataæfingar annann hvorn sunnudag fram að jólafríi. Iðkendur með appelsínugult belti og hærra eru hvattir til að nýta sér æfingarnar.

Æfingarnar fara fram milli 11 og 12 í íþróttahúsinu Jaðarsbökkum. Næstu æfingar eru 17. nóvember, 1. desember og 15. desember.

Foreldrar barna sem taka þátt í hópkataæfingunum geta gengið í þennan hóp á Facebook.

 

Fjörkálfamót í kumite 2. nóvember

Laugardaginn 2. nóvember býðst iðkendum Karatefélags Akraness, 11 ára og yngri, að taka þátt í Fjörkálfamóti í kumite. Keppt er í tveimur aldursflokkum og mótið er eingöngu opið iðkendum með appelsínugult belti eða hærra. Þetta er í fyrsta skipti sem Karatefélag Akraness tekur þátt í móti í kumite. Óli og Kristrún, aðstoðarþjálfarar, verða liðsstjórar á mótinu.

Karatedeild Fylkis og Karatefélagið Þórshamar bjóða öllum karatekrökkum fæddum 2008 og síðar á æfingamót í kumite. Mótið er hugsað sem tækifæri fyrir krakkana til að kynnast kumite-keppni í öruggu umhverfi þar sem þau fá tilsögn, stuðning og útskýringar á því hvernig leikurinn gengur fyrir sig. Allir keppendur fá þátttökuverðlaun og keppa fleiri en eina viðureign.

Í þessu skjali er hægt að skrá barn til þáttöku, en barnið þarf að vera skráð í Karatefélag Akraness til að geta tekið þátt. Karatefélagið greiðir mótagjaldið og foreldrar eru því hvattir til að skrá ekki barn til leiks, nema öruggt sé um þátttöku.

Mótið fer fram í Fylkisselinu.

Dagskrá
Árgangar 2010 og yngri
09:30 Mæting
10:00 Mót hefst
11:30 Verðlaunaafhending
12:00 Pizzupartý

Árgangar 2008–2009
12:30 Mæting
13:00 Mót hefst
14:30 Verðlaunaafhending
15:00 Pizzupartý

Hér er hægt að skoða Facebook-síðu mótsins. 

 

Opin æfing hjá Breiðabliki 10. nóv

Karatedeild Breiðabliks býður iðkendum Karatefélags Akraness á opna æfingu 10. nóvember. Æfingin hefst klukkan 12 og sameiginlegur þjálfari Breiðabliks og karatefélags Akraness, Villi, mun sjá um æfinguna. Krakkarnir ættu því að vera eins og heima hjá sér. Foreldrar og forráðamenn þurfa að keyra börnunum sjálfir á æfinguna.

Með því að mæta á opna æfingu hjá Breiðabliki gefst krökkunum tækifæri til að kynnast öðrum iðkendum í karate og stækka karateheiminn.

Innanfélagsmót í KATA 13. október og vetrarfrí

Sunnudaginn 13. október næstkomandi verður innanfélagsmót í KATA hjá Karatefélagi Akraness. Mótið verður í stóra sal íþróttahússins á Jaðarsbökkum og stendur frá 12:00 til um það bil 14:00. Eftir mótið verður keppendum boðið upp á pizzu og leiki. Gert er ráð fyrir að öllu verði lokið um 15:30.

Mótið er skemmtimót þar sem krakkarnir kynnast því hvernig er að keppa í KATA. Allir þátttakendur fá verðlaunapening fyrir þátttöku. Foreldrum og forráðamönnum er velkomið að horfa á mótið og hvetja krakkana til dáða.

Hér er hægt að skrá barn til þátttöku á mótinu. Vonandi taka sem flestir iðkendur þátt í að skapa skemmtilegt og líflegt mót og njóta samvista saman að móti loknu.

Vetrarfrí verður svo í karate miðvikudaginn 16. október ogföstudaginn 18. október. Svo mæta allir hressir á æfingu eftir gott frí 23. október.

Æfingar á Vesturgötunni og breyttur æfingatími á föstudögum

Æfingar Karatefélagsins munu færast aftur í húsnæði Íþróttahússins á Vesturgötu næsta miðvikudag, 9. október. Eins og áður verður æft í speglasalnum í kjallara íþróttahússins.

Einnig verður sú breyting á að æfingatími allra flokka á föstudögum hliðrast um einn klukkutíma. Æfingar byrja fyrr á föstudögum. Þannig byrjar karateskólinn klukkan 14:10 og hver flokkur fylgir á eftir. Þetta er gert svo síðustu hópar geti klárað æfingar fyrr á föstudögum.

Hér er hægt að skoða æfingatöflu. Æfingatími er óbreyttur á miðvikudögum.