Káramenn mættu Skallagrím á æfingasvæðinu í Borgarnesi síðasta laugardag. Káramenn mættu að þessu sinni án ungu leikmannana í 2.flokki og einnig vantaði nokkra sterka leikmenn í hópinn.Leikurinn fór fram á litlum velli og mættu leikmenn Skallagríms ákveðnir og vel skipulagðir til leiks og ákveðnir í að gefa Káramönnum góða mótspyrnu. Káramenn sem voru mun meira með boltann í leiknum fengu ágætis sénsa í upphafi leiks sem ekki nýttust og voru það Skallagrímsmenn sem brutu ísinn eftir að brotið var á leikmanni Skallagríms innan teigs og vítaspyrna dæmd. Ekki leið þó á löngu þar til Káramenn næðu að jafna leikinn en þá tók Atli Alberts á rás inn í teig Skallagríms þar sem hann var klemdur á milli tveggja leikmanna Skallagríms og vítaspyrna réttilega dæmd. Atli steig sjálfur á vítapunktinn og skoraði með snyrtilegu skoti. Káramenn héldu uppteknum hætti, voru meira með boltann og reyndu að brjóta Skallagrímsmenn á bak aftur, en Skallarnir voru fljótir að mæta Káramönnum og loka á að þeir kæmust í gegnum vörn þeirra. Káramenn náðu þó forystunni þegar skammt var eftir af fyrri hálfleik þegar Leó Daðason skoraði með góðum skalla eftir flotta fyrirgjöf af hægri kanti.Káramenn náðu góðu starti í fyrri hálfleik og á fyrstu 15 mínútunum voru þeir búnir að ná að skora 2 mörk, en í bæði skiptin var á ferðinni Atli Albertsson eftir góðar rispur á hægri kanti. Aðeins fór að draga af Káramönnum eftir þessi mörk enda völlurinn þungur og margir að spila sinn fyrsta leik í langan tíma. Skallagrímur hélt þó áfram að berjast og um miðjan hálfleikinn náðu þeir að minnka muninn í 2-4. Káramenn voru svo ljónheppnir þegar stutt var eftir að fá ekki þriðja markið á sig, en þá bjargaði Salvar Georgsson frábærlega þegar leikmaður Skallagríms fékk boltann aleinn á markteig gegn opnu marki.Káramenn gerðu svo endanlega útum leikinn á lokamínútunum þegar Sveinbjörn Hlöðversson náði að hrista einn varnarmann af sér og komast að endalínu þar sem hann renndi boltanum út á títt nefndann Atla Albertsson sem var einn gegn opnu marki og átti í engum erfiðleikum með að innsigla fernu sína og fimmta mark Káramann. Niðurstaðan 2-5 sigur í ágætis leik þar sem Atli Alberts átti stórleik. Sigurður Jónsson þjálfari liðsins var þokkalega sáttur í leikslok enda fengu menn fína æfingu út úr leiknum. Næsti leikur Káramanna verður gegn Lummunni á Akranesi miðvikudaginn 21.maí en það er fyrsti leikur liðsins í deildarkeppni 4.deildar og verður fróðlegt að sjá hvernig liðið mun líta út með nýjum sterkum leikmönnum í bland við efnilega leikmenn úr 2.flokki. Við hvetjum sem flesta til að mæta á svæðið og styðja liðið næsta miðvikudag.Liðið sem spilaði gegn Skallagrím:Eyþór Óli FrímannssonEmil SævarssonRóbert KetilssonRagnar Már ViktorssonGuðjón Freyr EiðssonAtli AlbertssonPáll Sindri Einarsson (c)Ragnar Þór GunnarssonLeó DaðasonSalvar GeorgssonSveinbjörn Geir HlöðverssonMarteinn Þór VigfússonGuðmundur Dagur JóhannssonÓlafur SævarssonStefán Már GuðmundssonÁfram Kári