Meistaraflokkur kvenna fær Hamrana í heimsókn í Inkasso-deildinni á morgun, miðvikudag. Leikurinn hefst kl. 17:30 og fer fram í Akraneshöllinni.

Skagastelpur hafa byrjað tímabilið ágætlega og eru í efri hluta deildarinnar með tólf stig, á sama tíma eru Hamrarnir í neðri hluta deildarinnar. Ef ÍA ætlar að halda í við toppliðin og vera í baráttu um að komast upp í Pepsi-deildina eru þrjú stig nauðsynleg.

Við hvetjum Skagamenn til að mæta á völlinn á morgun og styðja stelpurnar til sigurs gegn Hömrunum.