Meistaraflokkur karla heimsækir Hauka í 14. umferð Inkasso-deildarinnar á morgun, miðvikudag. Leikurinn fer fram á Ásvöllum og hefst kl. 18:30.

Skagamenn eru í harðri baráttu um að komast í Pepsi-deildina á nýjan leik en Haukar sigla lygnan sjó um miðbik deildarinnar. Því er sigur nauðsynlegur svo ÍA geti haldið áfram baráttu sinni um að komast í Pepsi-deildina.

Við hvetjum Skagamenn til að mæta í Hafnarfjörðinn og styðja strákana til sigurs gegn Haukum.