ÆFINGATÖFLUR

VALMYND

Námskeið á vegum ÍSÍ fyrir stjórnendur í íþróttahreyfingunni

Námskeið á vegum ÍSÍ fyrir stjórnendur í íþróttahreyfingunni

03/07/20

#2D2D33

Í upphafi árs var haldið námskeið á vegum ÍSÍ fyrir stjórnendur í íþróttahreyfingunni og mæltist námskeiðið mjög vel fyrir. Ákveðið hefur verið að bjóða upp á annað sambærilegt námskeið dagana 16.-18. september. Námskeiðið kallast  Stjórnendaþjálfun – til móts við framtíðina.

Námskeiðið er byggt á efni frá Alþjóðaólympíunefndinni en hefur verið aðlagað fyrir íslenskan raunveruleika. Aðalkennari á námskeiðinu verður Gunnar Jónatansson stjórnendamarkþjálfi ásamt starfsfólki ÍSÍ. Námskeiðinu er ætlað að vera upplýsandi, fræðandi og praktískt fyrir þátttakendur með það markmið að efla þá í þeim störfum sem þau sinna innan íþróttahreyfingarinnar. Skilyrði fyrir þátttöku er að viðkomandi skuldbindi sig til að sitja allt námskeiðið. Búast má við einstaklingsvinnu og hópavinnu. Veittar verða viðurkenningar í lok námskeiðisins frá IOC.

Hámarksfjöldi þátttakenda er 30 manns. Horft verður til kynjadreifingar og fjölda frá hverjum sambandsaðila ef umfang umsókna verður umfram hámarksfjölda.

Markhópur: Framkvæmdarstjórar, starfsmenn, stjórnarfólk sérsambanda og íþróttahéraða/íþróttabandalaga.

 

Námskeiðslýsing:

Námskeiðinu er skipt í 5 lotur.

Miðvikudaginn 16. september (byrjað kl.16:00)

  • Lota 1 – Alþjóðaólympíuhreyfingin og lagaumhverfi íþróttahreyfingarinnar á Íslandi. Endum daginn á léttum veitingum.

Fimmtudaginn 17. september  (byrjað kl:9:00-16:00)

  • Lota 2 –  Dagleg verkefnastjórnun og tímastjórnun. Þátttakendur fá ráð sem nýtast til að auka yfirsýn og leiðir til að stýra áreiti og auka einbeitingu. Mikilvægt er að bera ábyrgð á eigin verkefnum og vinnutíma og finna muninn á því að vera við stjórn í stað þess að láta áreitið og umhverfið ráða ferðinni.

STJÓRNAÐUR ÞÉR

TÍMASTJÓRNUN

  • Lota 3 – Hlutverk og ábyrgðasvið starfsmanna, stjórna, nefnda, félagsmanna, foreldra og iðkenda. Í framhaldi af þeirri vinnu verður kannað hvar teymi hvers og eins er statt og leiðir til að bæta það sem er ábótavant.

Fundir eru einn stæsti tímaþjófur teyma, við skoðum öflugar leiðir til að bæta skilvirkni funda.

AÐ STÝRA TEYMI

Föstudagur 10. janúar (byrað kl:9:00)

  • Lota 4 – Ef þú getur ekki mælt árangur með skýrum hætti, getur þú ekki bætt hann eða aukið. Hér verður fjallað um leiðir til að mæla virði þitt sem stjórnanda og hvernig teymi geta sett upp árangursmælikvarða. Þessi lota endar á stjórnun og lausn ágreinings með aðferðum markþjálfunar.

ÁRANGURSSTJÓRNUN

ÁSKORANIR OG VÆNTINGAR

  • Lota 5 –  Að vera í stjórnunarhlutverki eða með hatt yfirmanns tryggir á engan hátt virðingu né að manni sér fylgt í átt að settu marki. Rannsóknir sýna að það sem laðar aðra til samstarfs við þig, er hversu vel fólki líkar við þig. Farið verður yfir nokkur skref til að bæta áhrif þín sem stjórnanda.

Öflug teymi ná betri árangri en einstaklingar. Hlúa þarf vel að einstaklingunum sem mynda teymin og gefa þeim tækifæri til að bæta sig og vaxa í sínu hlutverki. Við nefnum nokkrar lykilleiðir til að efla og bæta starfsmenn, þjálfara o.fl

STJÓRNAÐU ÁHRIFUNUM

STARFSÞRÓUN

 

Innifalið í námskeiðinu er léttur kvöldverður á miðvikudag, kaffiveitingar og hádegismatur á fimmtudag og föstudag.

Kostnaður pr. þátttakanda er 25.000 kr. en Íþrótta- og Ólympíusambandið styrkir hvern sambandsaðila um 10.000 kr. til lækkunar á þátttökugjaldi.

 

Ef þið hafið áhuga þá er um að gera að taka dagana frá en opnað verður fyrir skráningar 10. ágúst.

 

Nánari upplýsingar veita starfsmenn Þróunar- og fræðslusviðs ÍSÍ.

Edit Content
Edit Content
Edit Content