Úrslitakeppni 4.deildar.Mjög mikilvægir leikir eru framundan hjá Kára í úrslitakeppni 4.deildar þar sem liðið berst ásamt 7 öðrum liðum um að komast upp í 3.deild á næsta ári. Fyrsti leikur liðsins fer fram á Akranesi laugardaginn 30.ágúst klukkan 18:00. Frábært væri að fá sem flesta á völlinn til að styðja við bakið á liðinu á heimavelli. Káramenn mæta að þessu sinni liði KH eða Knattspyrnufélaginu Hlíðarenda og er leikið heima og heiman, en sigurvegari viðureignanna mætir annað hvort KFS eða Létti í undanúrslitum. Sigur í undanúrslitum tryggir svo sæti í 3.deild á næsta ári. Stefna liðsins er klárlega að komast upp um deild, en þarna mætast bestu lið 4.deildar í útsláttarkeppni og þar getur allt gerst. Vonandi sjáum við sem flesta á laugardaginn, því góður stuðningur er vel þeginn.Áfram Kári!