SKRÁNING

VALMYND

Kári – KFR næsta laugardag 14.9 klukkan 14:00 í Akraneshöll

Kári – KFR næsta laugardag 14.9 klukkan 14:00 í Akraneshöll

11/09/13

#2D2D33

Næsti leikur Káramanna er næsta laugardag klukkan 14:00 í Akraneshöll gegn KFR og er þetta síðasti leikur Káramanna í sumar og að öllum líkindum síðasti leikur Káramanna í 3.deildinni í bili.Fín úrslit í síðustu 4 leikjum þar sem Káramenn hafa unnið topplið Fjarðabyggðar og Víði Garði og gert jafntefli við Magna og Grundarfjörð dugir ekki til að halda liðinu uppi því öll hin liðin í fallbaráttunni náðu einnig góðum úrslitum. Deildin hefur verið ótrúleg í sumar og hefur aldrei í sögu deildarkeppni verið spilaðir jafn margir leikir í röð án jafnteflis, en yfir 50 leikir voru spilaðir þar til fyrsta jafnteflið leit dagsins ljós. Munurinn á liðinu í 3. sæti og 9. sæti sem Káramenn eru í dag er líka ótrúlegur, en ef Káramenn sigra KFR á laugardaginn að þá munar ekki nema 5 stigum á 3.sæti og fallsæti. Það sýndi sig í sumar að það var stutt á milli þess að Káramenn væru með gott lið í 3.deildinni og þess að vera með frekar slakt lið, en því miður að þá fór liðið alltof seint í gang og töp í fyrstu 6 leikjum liðisins voru dýr. Káramenn ætla þó að halda ótrauðir áfram og stefna strax á að vera með topplið í 4.deildinni á næsta ári, því það er klárt mál að það á að vera hægt að halda uppi öðru liði á Akranesi sem er fyrir ofan neðstu deild.Við viljum endilega hvetja sem flesta að mæta á síðasta leik Káramanna í sumar næsta laugardag og hvetja liðið til sigurs í síðasta leik.Áfram Kári!

Edit
Edit
Edit
Edit