Járninganámskeið á Æðarodda 16. – 17. mars 2019.

Kennari á námskeiðinu verður Gunnar Halldórsson sem starfar sem járningarmaður á suðvesturhorninu, kennir járningar við Landbúnaðarháskólann á Hvanneyri og varð Íslandsmeistari í járningum árin 2013, 2014 og 2016.

Kennd verður almenn hófhirðing, tálgun og járningar. Farið verður yfir áhrif járningar á hreyfigetu hestsins og fjallað um gerð hófsins og hlutverk. Námskeiðið felst að mestu í sýnikennslu og verklegri kennslu.

Þátttakendur koma með eigin járningaáhöld og 1-2 hesta til að járna (fer aðeins eftir fjölda þátttakenda). Ef einhvern vantar járningaráhöld þá verður Gunnar með eitthvað af aukaáhöldum. Námskeiðið hentar jafnt byrjendum sem og lengra komnum, bæði konum og körlum, ungum sem öldnum. Þátttakendum verður skipt niður í hópa eftir reynslu. Lágmarksþátttaka er 6 og hámarksfjöldi er 12.