Inniaðstaðan í vélaskemmu mun loka frá og með mánudeginum 3. apríl n.k. Nú styttist með hverri vikunni í að við opnum Garðavöll og því þarf að taka vélaskemmuna undir notkun véla og tækja svo hægt sé að vinna við völlinn og undirbúa hann.

Við hvetjum alla félagsmenn og aðra gesti að nota útiæfingarsvæðið Teiga á Garðavelli til að æfa sveifluna en Teigar er yfirbyggt og flóðlýst æfingaskýli með tólf básum þar sem hægt er að æfa sig. Boltavél er staðsett á æfingasvæðinu Teigum og ávallt reynt að hafa nóg af golfkúlum til staðar. Kylfingar geta heimsótt skrifstofu GL á skrifstofu tíma til að kaupa boltapeninga eða boltalykla til að nota í boltavél.