Meistaraflokkur karla leikur í 16-liða úrslitum Mjólkurbikarsins á morgun, miðvikudag, þegar liðið heimsækir lið Grindavíkur. Leikurinn fer fram á Grindavíkurvelli og hefst kl. 19:15.

Skagamenn hafa spilað af miklum krafti í Mjólkurbikarnum og náð góðum úrslitum gegn ágætum liðum. Við vonumst til að gengi liðsins haldi áfram á sömu braut og verið hefur.

Við hvetjum Skagamenn til að fara til Grindavíkur á morgun og styðja strákana til sigurs.