Nú í vikunni hlaut ÍA styrk frá Hvalfjarðarsveit vegna íþróttastarfs barna- og ungmenna og var hann greiddur út til aðildafélaga ÍA í gær.
Hvalfjarðarsveit veitir aðildafélögum ÍA styrk sem voru með iðkendur með skráð lögheimili í Hvalfjarðarsveit árið 2023.

Samningur var undirritaður árið 2022 og var hann vísitölutryggður sem tryggir félögum hækkun á styrk í samræmi við verðbólgu.

Styrkurinn sem greiddur var út í ár nam samtals kr.  5.678.413,- en framlag Hvalfjarðarsveitar er kr. 46.365,- fyrir hvern iðkanda og skiptist það fjármagn á milli tíu aðildafélaga ÍA.

Alls voru 121 iðkendur með skráð lögheimili í Hvalfjarðarsveit sem stunduðu íþróttir hjá tíu aðildafélögum ÍA árið 2023 og skiptist fjármagnið á milli þeirra m.v. iðkendatölu. Gaman er að segja frá því að iðkendum ÍA með lögheimli í Hvalfjarðarsveit fjölgaði um 20% milli ára.

Við viljum nota tækifærið og þakka Hvalfjarðarsveit fyrir sitt framlag til að gera gott íþróttastarf ÍA enn betra.

Áfram ÍA og áfram Hvalfjarðarsveit.