Golfklúbburinn Leynir tók á móti styrk frá Guðna Erni Jónssyni s.l. laugardag 7.júlí þegar opna Guinness golfmótið var haldið. Guðni Örn varð nýlega 60 ára og fagnaði á sama tíma 30 starfsafmæli sem tæknifræðingur og við það tilefni óskaði hann eftir að þeir sem vildu gleðja hann með gjöfum gæfu í staðinn styrk sem myndi renna til barna og unglingastarfs klúbbsins. Golfklúbburinn Leynir vill við þetta tilefni færa Guðna Erni kærar þakkir fyrir stuðninginn.
Á myndinni má sjá Guðna Örn og golfvini hans þegar styrkurinn var afhentur og tók Guðmundur Sigvaldason framkvæmdastjóri Leynis við styrknum fyrir hönd Leynis.