Undanfarna daga hefur verið unnið að endurbótum á þrekaðstöðunni í kjallara íþróttahússins við Vesturgötu. Búið er að leggja gúmmímottur á hluta gólfsins, ný handlóð og ketilbjöllur hafa verið keyptar sem og hnébeygjustandur og skábekkir. Þá eru komnar nýjar lyftingastangir og bumper lóð og vonum við hjá ÍA að þessar breytingar falli í góðan jarðveg hjá iðkendum. Starfsfólk íþróttahússins við Vesturgötu og íþróttafulltrúi ÍA hafa unnið mikið starf við að setja tækin saman og koma öllu fyrir og eru þeim færðar okkar bestu þakkir sem og Kraftlyftingafélaginu sem tók undir þyngstu hlutina með þeim.