Ágúst Júlíusson Íslandsmeistari í 100m flugsundi og þrír sundmenn með lágmark á Norðurlandameistaramót sem fram fer í desember, þau Ágúst Júlíusson, Sævar Berg Sigurðsson og Brynhildur Traustadóttir.
Íslandsmeistaramót í 25m laug fór fram í Laugardalslaug um helgina og átti sundfélag Akranes þar 11 sundmenn. 142 sundmenn tóku þátt í mótinu frá 11 félögum.
Krakkarnir úr IA áttu mjög góða helgi þar sem persónulegar bætingar voru 55 og 24 úrslitasund á mótinu.
Ágúst varð íslandsmeistari í 100m flugsundi á tímanum 54.62 sem er aðeins 0.07 frá Akranesmetinu hans síðan í fyrra, þessi tími var einnig langt undir lágmarki á NM.
Í sama sundi var Atli Vikar að bæta sig vel og hafnaði í fjórða sæti, aðeins 0.25 sek frá brons sætinu. Hann synti á tímanum 58.83
Í 50m flugsundi var hörð barátta á milli fyrsta og þriðja sætis. Ágúst var í þriðja sæti á tímanum 24.60 aðeins 0.19 sekúndur frá fyrsta sæti. Í fyrsta sæti varð Davíð Hildiberg frá IRB og í öðru Aron Örn frá SH sem jafnframt er að undirbúa sig fyrir Evrópumeistaramót í desember.
Sævar Berg var kraftmikill í bringusundinu þar sem hann náði lágmarki á NM í 50 metrum á tímanum 30.52 og hafnaði í þriðja sæti. Hann bætti tímann sinn um sekúndu í 100m og náði öðru sæti ásamt því að vera í öðru sæti í 200m bringusundi.
Brynhildur Traustadóttir náði lágmarki á norðurlandameistaramótið í 400m skriðsundi og hafnaði í 5 sæti á móti mörgum öflugum sundmönnum.
Í 4x100m fjórsundi settu þeir Atli Vikar, Sævar Berg, Sindri Andreas og Ágúst frábært Akranesmet á tímanum 4.01.62 en gamla metið var 4.04.48 og var síðan 2015. Þeir voru aðeins 0,5 sek frá bronsinu.
Í 4x100m skriðsundi karla unnu þeir Atli Vikar, Sævar Berg, Sindri Andreas og Ágúst brons.
Í 4X200m skriðsundi lentu þeir Atli Vikar, Sindri Andreas, Sævar Berg, Erlend í fjórða sæti.
Stelpurnar enduðu í fimmta sæti í 4x100m fjórsundi en þá sveit skipuðu þær Una Lára, Brynhildur, Ragnheiður og Ásgerður.
Í 4x100m skriðsundi náðu þær Brynhildur, Ásgerður, Eyrún og Una Lára 6. sæti á tímanum 4.12.34 en það var bæting um 3 sekúndur frá því í fyrra.
Blönduð boðsundssveit í 4x100m skrið tók einnig þátt og náðu 6 sæti en í henni voru þau Sindri Andreas, Eyrún, Ragnheiður og Enrique.
Úrslit okkar sundmanna voru eftirfarandi :
1. sæti
Ágúst Júlíusson 100m flugsund.
2.sæti
Sævar Berg 100m og 200m bringusund
3.sæti
Ágúst 50m flugsund
Sævar Berg 50m bringusund
4×100. skriðsund Atli Vikar, Sævar Berg, Sindri Andreas og Ágúst
4.sæti
Una Lára Lárusdóttir 50m baksund
Erlend Magnússon 200m baksund
Atli Vikar Ingimundarson 100 flugsund
4x200m skriðsund Atli Vikar, Sindri Andreas, Sævar Berg og Erlend
4x100m fjórsund Erlend, Sævar Berg, Águst og Atli Vikar
5. sæti
Erlend Magnússon 100m baksund
Brynhildur Traustadóttir 400m skriðsund og 100m flugsund
4×100 fjórsund, Una Lára, Brynhildur, Ragnheiður og Ásgerður
6.sæti
Atli Vikar Ingimundarsson 100m skriðsund
Ásgerður Jing Laufeyjardóttir 100M bringusund
Erlend Magnússon 50m baksund
Brynhildur Traustadóttir 50m flugsund
4×100 blönduð sveit, Sindri Andreas, Eyrun, Ragnheiður og Enrique Snær
4×100 skriðsund Brynhildur, Ásgerður, Eyrún og Una Lára
7.sæti
Atli Vikar Ingimundarsson 50m flugsund
Ágúst Júlíusson 50m skriðsund
Ragnheiður Karen Ólafsdóttir 100m bringusund
Brynhildur Traustadóttir 100m skriðsund
8.sæti
Sindri Andreas Bjarnasson 200m bringusund
Una Lara Larusdóttir 100m baksund
Ragnheiður Karen Olafsdóttir 50m bringusund
Brynhildur Traustadóttir 50m skriðsund
4x100m fjórsundi settu þeir Atli Vikar, Sævar Berg, Sindri Andreas og Ágúst akranesmet
4x100m skriðsundi karla unnu þeir Atli Vikar, Sævar Berg, Sindri Andreas og Ágúst brons.
