SKRÁNING

VALMYND

Aðalfundur Sundfélags Akraness 2019 var haldinn þriðjudaginn 19. mars

Aðalfundur Sundfélags Akraness 2019 var haldinn þriðjudaginn 19. mars

20/03/19

70ara logo

Góð staða sundfélags Akraness

Aðalfundur Sundfélags Akraness 2019 var haldinn í hátíðarsalnum á Jaðarsbökkum þriðjudaginn 19. mars.
Fram fóru venjuleg aðalfundarstörf samkvæmt lögum félagsins. Fundarstjórn var í höndum Karítasar Jónsdóttur sem stýrði fundinum af röggsemi. Fundurinn hófst með ávarpi fráfarandi formanns, Trausta Gylfasonar sem flutti skýrslu félagsins fyrir árið 2018. Fram kom í máli hans að starf félagsins er afar blómlegt og fór hann yfir árangur iðkenda ásamt þeim viðurkenningum og verðlaunum sem þeir hafa fengið.

Ársreikningur félagsins var lagður fram af gjaldkera félagsins, Daníeli Sigurðssyni sem samþykktur var einróma. Heildartekjur félagsins voru um 21,5 milljónir og heildargjöld voru um 21,2 milljónir og var tekjuafgangur því um 300 þúsund sem staðfestir trausta stöðu félagsins.

Á fundinum gengu þrír úr stjórn, Trausti Gylfason formaður, Harpa Finnbogadóttir varaformaður og Ingibjörg Júlíusdóttir meðstjórnandi.

Í þeirra stað komu inn í stjórn Þórdís Guðmundsdóttir, Ruth Jörgengsdóttir Rauterberg og Ágúst Júlíusson sem kosinn var formaður.

Endurkjörin í stjórn voru Guðrún Guðbjarnadóttir, Daníel Sigurðsson, Kristin Björg Jónsdóttir og Svava Hrund Guðjónsdóttir.
Fráfarandi stjórnarmenn fengu blómvönd í þakklætisskyni fyrir vel unnin störf í þágu félagsins.

Hörður Oddfríðarson formaður Sundsambands Íslands ávarpaði fundinn og þakkaði gott samstarf við félagið og nefndi sérstaklega fráfarandi formann í því sambandi. Einnig ávarpaði Hörður Helgason, fulltrúi í framkvæmdastjórn íþróttabandalags Akraness fundinn og lýsti aðdáun sinni á iðkendum og þjálfurum sem sinna sundíþróttinni af dugnaði við mismunandi aðstæður. Hörður nefndi einnig m.a. mikilvægi sjálfboðaliða sem sinna fjölbreyttum störfum sem skipta félögin miklu máli.

Edit
Edit
Edit
Edit