Saga Kraftlyftingafélags Akraness

Eftir að samþykkt var að Kraftlyftingasamband Íslands (KRAFT) mundi sækja um aðild að Íþrótta- og Ólympíusambandi Íslands (ÍSÍ) í desember árið 2008 hófst stofnun kraftlyftingafélaga á Íslandi.

 

Fljótlega barst til tals að stofna félag á Akranesi innan vébanda Íþróttabandalags Akraness (ÍA) en lítið gerðist í þeim málum. Fyrir íslandsmeistaramótið í réttstöðulyftu 2009, sem haldið var á selfossi 22. nóvember það ár, hugðist Kári Rafn Karlsson skrá sig íKraftlyftingadeild Breiðabliks til að geta keppt á því móti. Guðjón Hafliðason, þáverandi formaður Kraftlyftingadeildar Breiðabliks og varaformaður í stjórn KRAFT, reið þá á vaðið og hafði samband við vel valda aðila upp á Skaga um stofnun félags og hjólin fóru loks að snúast. Kári varð fyrstur til að keppa undir merkjum Kraftlyftingafélags Akraness, þó að félagið væri ekki formlega stofnað en stofnfundurinn sjálfur var haldinn tveimur dögum síðar (24. nóvember 2009).

 

Fundurinn var vel sóttur af kraftlyftingaáhugamönnum af Akranesi auk fulltrúa úr stjórn KRAFT, þau Auðunn Jónsson varamaður, Guðjón Hafliðason varaformaður, Gry Ek ritari, og Sigurjón Pétursson formaður, og fulltrúa ÍA, þeir Sturlaugur Sturlaugsson formaður og Jón Þór Þórðarson íþróttafulltrúi.

 

Frá vinstri: Sigurjón Pétursson, Kári Rafn Karlsson, Unnar Valgarð Jónsson, Heimir Björgvinsson, Hermann Hermannsson, Arnar Dór Hlynsson, Sturlaugur Sturlaugsson og Auðunn Jónsson

 

Fyrsta stjórn Kraftlyftingafélags Akraness var kosin og hlutu eftirfarandi kjör:

 

Formaður Hermann Hermannsson
Gjaldkeri Heimir Björgvinsson
Ritari Kári Rafn Karlsson
Meðstjórnendur Arnar Helgason
Unnar Valgarð Jónsson
Varamenn Arnar Dór Hlynsson
Haukur Ármannsson
Skoðunarmaður reikninga Jón Þór Þórðarson