Iðkendur hjá ÍA

Við bjóðum ykkur velkomin í hið fjölbreytta íþróttastarf sem fram fer innan raða ÍA. Markmiðið með vef ÍA er að gera aðgengilegar ýmsar hagnýtar upplýsingar er tengjast íþróttaiðkun hjá ÍA og sjá hvað er í boði. Á heimasíðum einstakra aðildarfélaga ÍA er að finna nánari upplýsingar um það íþróttastarf sem fram fer innan félagsins. Þar eru líka upplýsingr um einstaka flokka, þjálfara, æfingagjöld ofl. Ef þig eða barnið þitt langar að byrja að æfa íþróttir hjá ÍA er aðeins að finna út hvenær æfingarnar eru td. með því að skoða æfingatöflurnar. Mæta á svæðið og setja sig í samband við þjálfara viðkomandi flokks. Almennt fá allir að prófa að æfa frítt í viku að minnsta kosti og taka svo ákvörðun í kjölfar þess. Hlökkum til að sjá þig 🙂

Nóri, skráningar og innheimtukerfi hjá ÍA

ÍA notar félagakerfið Nóra og heldur það utan um iðkendaskráningu og greiðslu æfingagjalda. Skráning iðkenda og greiðsla æfingagjalda fer að langmestu leiti fram á internetinu í gegnum Nóra. 

Skrá og greiða æfingagjöld hjá ÍA

 

Tómstundaframlag Akraneskaupstaðar

Akraneskaupstaður veitir tómstundaframlag vegna þátttöku 6 – 17 ára barna og ungmenna (almanaksárið sem þau verða 6 ára og út almanaksárið sem þau eru 17 ára). Framlagið nær til þeirra sem eru á lokaári leikskóla, á grunnskólaaldri og einnig næstu tveggja árganga á framhaldskólaaldri ( þ.a.s. til þeirra sem eru 17 ára).

Þann 1. janúar 2018 hækkar tómstundaframlag Akraneskaupstaðar og verður kr. 35.000 fyrir eitt barn en hækkar með fjölda systkina sem nýta það. Tvö systkini:  barn 1 kr. 39.375 og barn 2 kr. 39.375. Þrjú systkini: barn 1 kr.  44.479, barn 2 kr. 44.479 og barn 3 kr. 44.479.

Á árinu 2018 eiga öll börn fædd árið 2001 – 2012 rétt á tómstundaframlagi. Hægt er að nýta tómstundaframlagið í Nóra með því að setja hak í „Nota Frístundastyrk Akraness“. Hægt er að breyta upphæðinni sem nota á í tiltekið námskeið. Upphæðin sem slegin er inn dregst þá frá æfingagjaldinu og lækkar það sem því nemur. Þeir sem ganga frá greiðslu með peningagreiðslu eða millifærslu þurfa sjálfir að koma kvittun fyrir greiðslunni til Akraneskaupstaðar. Hægt er að sjá stöðu á styrkjum í íbúagátt Akraneskaupstaðar. ATH: Nýta verður upphæðina fyrir 15. desember