Íþróttabandalag Akraness

Íþróttabandalag Akraness var stofnað þann 3.febrúar árið 1946 af knattspyrnufélögunum KA og Kára. Fyrsti formaður þess var Þorgeir Ibsen.

ÍA tók við af Íþróttaráði Akraness sem var stofnað af sömu félögum árið 1934. Fyrst í stað var nafn Íþróttabandalags Akraness skammstafað ÍBA. Því var breytt skömmu síðar í ÍA, þar sem Íþróttabandalag Akureyrar var með sömu skammstöfun.

Á þessum árum hefur íþróttastarf á Akranesi vaxið og dafnað, ÍA unnið fjölda meistaratitla í hinum ýmsu íþróttagreinum, átt Ólympíufara og íþróttamenn ársins á Íslandi.

Íþróttalífið á Akranesi er fjölbreytt og nær til allra aldurshópa. Öll aðstaða til íþróttaiðkunar er til staðar á Akranesi og iða íþrótta- og tómstundamannvirki bæjarins af lífi frá morgni til kvölds. Á Akranesi starfar eitt öflugasta íþróttafélag landsins, Íþróttabandalag Akraness. Íþróttabandalag Akraness er bandalag íþróttafélaga á Akranesi og innan þess eru 19 aðildarfélög. ÍA sér um samskipti aðildarfélaga sinna við Akraneskaupstað og ÍSÍ, rekur líkamsræktaraðstöðu í Íþróttamiðstöðinni á Jaðarsbökkum og í íþróttahúsinu við Vesturgötu auk þess að vinna að almennri heilsueflingu bæjarbúa.

Skrifstofa ÍA er í íþróttahúsinu við Vesturgötu, netfang framkvæmastjóra ÍA er ia@ia.is, heimasíða www.ia.is

Aðildarfélög ÍA eru eftirfarandi:

Badmintonfélag ÍA

Keilufélag Akraness

Sigurfari – Siglingarfélag Akarness

Blakfélagið Bresi

Klifurfélag Akraness

Skotfimifélag Akraness

Fimleikafélag Akraness

Knattspyrnufélag ÍA

Sundfélag Akraness

Golfklúbburinn Leynir

Knattspyrnufélagið Kári

Ungmennafélagið Skipaskagi, dans, hjól og frjálsaríþróttir

Hestamannafélagið Dreyri

Kraftlyftingafélag Akraness

Vélhjólaíþróttafélag Akraness  

Hnefaleikafélag Akraness

Körfuknattleiksfélag ÍA

Þjótur, íþróttafélag fatlaðra

Karatefélag Akraness

 

 

 

Að koma saman er byrjun, að vera saman eru framfarir, að vinna saman er árangur