Firmakeppni Dreyra var að venju haldin þann 1. maí s.l. á Æðarodda. Á þeim degi varð félagið 71 árs og dagurinn er einnig alþjóðlegur dagur íslenska hestsins. Veður var með sérstöku móti en það gekk á með sólarglennum og logni á milli þess sem að það rigndi yfir okkur hvítu glimmeri með léttum blæstri.

Dómarar voru Marella Steinsdóttir nýr formaður ÍA, Hildur Karen Aðalsteinsdóttir framkvæmdastjóri ÍA og Ólafur Adolsson formaður bæjarráðs Akranes og var það mál manna að þau hafi gert gott mót í dómstörfum sínum. Stjórn Dreyra vill þakka þeim kærlega fyrir dómstörfin og að hafa tekið þátt í deginum með okkur Dreyrafélögum.

Mynd frá Ása Hólmarsdóttir.

En stóru tíðindi þessa dags voru án efa að skrifað var undir viljayfirlýsingu/samning við Hvalfjarðarsveit og Akraneskaupsstað um byggingu reiðskemmu á Æðarodda við dynjandi lófaklapp Dreyrafélaga.

Þetta var stórt og gott skref inn i nútíðina fyrir Dreyramenn og það er ekkert nema tilhlökkun við að hefja byggingarferlið sem svífur yfir húsum og hestamönnum í Æðarodda núna. Við vonumst til að reiðskemma, 25×45 metrar, verði tekin í notkun eftir ár. Við þetta tækifæri tóku til máls og kynntu feril verkefnisins formaður Dreyra, Sævar Freyr Þráinsson bæjarstjóri Akraness og Skúli Þórðarson sveitarstjóri Hvalfjarðarsveitar.

Stjórn Dreyra þakkar öllum einstaklingum og fyrirtækjum sem að styrktu félagið í firmakeppninni og sendir einnig sínar bestu þakkir til allra sem komu með veitingar á hlaðborðið í félagsheimilinu. Það var húsfyllir hjá okkur í félagsheimilinu á Æðarodda og mikil gleði og eftirvænting í loftinu.

Þetta var svo sannarlega góður dagur og aldeilis bjart framundan í hestamennskunni á Akranesi 🙂

Mynd frá Ása Hólmarsdóttir.

Úrslit Firmakeppni Dreyra:

Pollaflokkur.- 9 ára og yngri

Matthildur Svana Stefánsdóttir á Kapradís frá Skipanesi. – Íslandsgámar.

Bjargdís Guðveig Guðbjartsdóttir á Tóni frá Brúarreykjum. – Bílaverkstæði Hjalta

Indriði Gunnþór Guðbjartsson á Kapradís frá Skipanesi. – Akraneskaupsstaður.

Ólafur Frímann Sigurðsson á Prins Póló frá Póllandi. – Blikksmiðja Guðmundar

Sigríður Gunnjóna Sigurðardóttir á Trekki frá Þjóðólfshaga. – Veiðifélag Laxár

Aldís Emilía Magnúdóttir á Snjalli frá Birkihlíð. – Eyrarbyggð ehf.

Ingibergur Hjálmarsson á Góðum frá Akranesi. – Bílver ehf.

Mynd frá Ása Hólmarsdóttir.

Barnaflokkur. 10 til 13 ára.

Rakel Ásta Daðadóttir á Fönn frá Neðra Skarði – Anton G. Ottesen.

Sara Mjöll Elíasdóttir á Dögg frá Neðra Skarði. – Borgartún Hestamiðstöð

Unglingaflokkur. 14- 17 ára.

Agnes Rún Marteinsdóttir á Arnari frá Barkarstöðum. – Sigurður Valgeirsson.

Ester Þóra Viðarsdóttir á Björt frá Akranesi. – Bjarni M. Guðmundsson

Anna Sigurborg Elíasdóttir á Heru frá Akranesi. – Gróska garðyrkja.

Karlaflokkur.

Benedikt Kristjánsson á Stofni frá Akranesi. – Galito

Erlendur Ari Óskarsson á Flóka frá Flekkudal. – Hrossaræktarbúið Skipaskagi.

Leifur Gunnarsson á Glæsi frá Akrakoti – Módel ehf.

Kvennaflokkur.

Hrefna Hallgrímsdóttir á Nikku frá Blönduósi – Norðurál

Ulrika Ramundt á Giltru frá Akurprýði. – Borgarholt

Viktoría Gunnarsdóttir á Kosti frá Nýjabæ – Bílver ehf.

 

Bestur þakkir fyrir stuðninginn fá:

Snókur verktakar

Galito

Draumahestar- hestaleiga

Æðaroddi 21/ Horn

Verslun Enars Ólafssonar

Gámaþjónusta Vesturlands

Sláturfélag Suðurlands

Límtré Vírnet

Toppútlit ehf.

Hrossaræktarbúið Skipaskagi

Runólfur Hallfreðsson hf.

Hróar ehf.

Þróttur ehf.

Módel ehf.

ÞÞÞ

Hafsteinn Daníelsson hf.

Borgarholt

Borgarholt II

Ásta Marý Stefánsdóttir

Skagaverk

Stóra Aðalskars

Norðurál

Beitistaðabúið

Skipaskagi ehf.

ÞÞÞ

Gróska

Bjarni M. Guðmundsson

BÓB vinnuvélar

Hvalfjarðarsveit

Vélaleiga Halldórs Sig.

Sigurður Valgeirsson

Borgartún Hestamiðstöð

Anton G. Ottesen

Íslandsgámar

Bílaverkstæði Hjalta

Akraneskaupstaður

Blikksmiðja Guðmundar

Veiðifélag Laxár

Eyrarbyggð ehf.

Bílver ehf.

Mynd frá Ása Hólmarsdóttir.