Í dag skrifaði ÍA undir samning við ÍA TV, sem er sjálfboðaliðateymi sem sér um beinar útsendingar frá viðburðum á vegum aðildarfélaga ÍA. Í samningnum felst að ÍA leggur til eina milljón króna til búnaðarkaupa og ÍA TV skuldbindur sig m.a. til þess að sinna beinum útsendingum frá viðburðum aðildarfélaga ÍA, uppbyggingu á heimasíðu ÍA TV og varðveislu þess efnis sem verður til. 

Íþróttabandalagið hefur áður styrkt verkefnið en með þessu framlagi getur ÍA TV bætt enn frekar gæði útsendinga sinna og aðgengi að þeim, bæði í nútíma en ekki síður til lengri tíma enda hefur þetta efni mikið heimildargildi. 

Meðfylgjandi er frétt Skagafrétta um styrkinn.

ÍA styrkir ÍATV um eina milljón kr. – gríðarlega öflugt sjálfboðaliðastarf